Neqeroorutit

Akupunkturi tassaavoq meqqutinik mikisunik bakteriaqanngitsunik atuilluni nakorsartinneq. Naartunerup nalaani timimi oqimaaqatigiinnginnerit pilersinnaapput, taamaalillutillu ippigusunnertut anniarnertullu saqqummersinnaasarlutik. Akupunkturi atorlugu timimi oqimaaqatigiinnerit utertinneqarsinnaasarput - akupunkturertinnermi timimi oqimaaqatigiinnginnerit ajornerulersinnaanngillat.

Meqqutinik ikkussiffigitinnerit qaqutikkut annernarsinnaasarput, ilaasali kapitiffiup nalaani kakillaalunneq malugisinnaasarpaat.

Naartunermi iluaalliuutigineqartut ataani allassimasunik ikiuisinnaavunga:

• Meriannguneq
• Karpaltunnelsyndrom (anniarnerit/assakkut inussakkullu malugisaatinik akornuteqarnerit)
• Niukkut eqqissiviilliorneq/qilusoornerit
• Imaruaninneq (niukkut assakkullu imertaninnerit)
• Ukutserlunnerit
• Makisikkut kuutsimilu anniarnerit
• Issikiarsikkut anniarnerit

Siunnersuutigaara pingasoriarlutit akulikitsumik suliarineqassasutit timinni sunniutit nalilersorsinnaaniassagakkit.
Kingorna immikkut pilersaarusiortoqarumaarpoq.

Akupunkturimik suliaritinneq siulleq minutsinik 60-inik sivisussuseqarpoq oqaloqatigiinnermillu aallartinneqassalluni.

Suliarinninnerit tulliuttut minutsinik 45-nik sivisussuseqassapput.

Naartuninni ataasiarlutit arlaleriarlutilluunniit ernisussiortumut nakorsiarusullutit kissaateqaruit, privatimik nakorsiarnermik neqeroorsinnaavakkit.

Oqaloqatigiinneq illit kissaatigisannik aallaaveqassaaq, saniatigut nakorsiarneq illit peqqissutsit pillugu oqaloqatiginninnermik, aappit naqitsineranik misissuinermik quuppillu misissorneqarneranik, naartunerpit ingerlanera ineriartorneralu pillugu oqaloqatigiinnermik, meeraaqqap inissisimaneranik illiappillu ineriartorneranik, taamatuttaaq meeraaqqap uummataanik tusarnaarnermik imaqartassaaq.

Ernisussiortumut nakorsiarneq ukuninnga imaqarsinnaavoq:

• Milutsitsineq, piareersarneq sooq pingaaruteqarpa?
• Nerisaqarneq
• Timersorneq
• Naartunerup nalaani atoqateqarneq
• Angajoqqaajuneq
• Attaveqarneq
• Qatanngutigiit iluani sinnganeq

Privatimik ataasiakkaarilluni erninissamut piareersarnermik kissaateqaruit/ssi, piffissaqarfissinni ataatsimiinnissamut pilersaarusiorsinnaavugut. Piareersaqqaarnak inuunermi pisussat annertuut ornittarpigit?

Sapinngikkukku ernisunninni qanoq pisoqarsinnaaneranik takorluukkannik piareersarsinnaavutit, avatangiisit qanoq ittut ilinnut toqqissisimanarpat, taamaalilluni misigisaq nuannersooratarsinnaavoq.

Erninissamut piareersarneq ukuninnga tunngaveqarpoq:

• Erninermi killiffiit assigiinngitsut
• Aalanerit anersaartornermilu periaatsit
• Ernisunnermi tagiartuineq
• Erninermi inissinnerit
• Anniarnermi annikillisaasinnaanermik periarfissat assigiinngitsut
• Erninermi rebozo
• Piffissaq ernereernerup kingorna, milutsitsineq siulleq barselsplejelu

Erninissamut piareersarneq siullermeerluni imaluunniit arlaleriarluni angajoqqaanngortussanut naleqqussagaavoq. Siornatigut misigereernikuusatit erninissaq pillugu isumannut aalajangiisuupput - taamaammat pingaaruteqarpoq peqqissaartumik piareersarnissaq.

Sivisussuseq: Akunnerit marluk

Naartuneq timinnut isumannullu artornarsinnaasarpoq, taamaammat pingaaruteqarpoq inuulluartaarnerit salliunneqarnissaa.

Naartusunut tagiartuineq rebozomillu tagiartuineq neqeroorutigaakka, tamarmik timippit qasukkarnissaanut iluaqutaasinnaapput. Tagiartuineq tagiartuivimmi immikkuullarissumi illit pallungaffigisinnaasanni pissaaq. Rebozo oqaasiuvoq spanskisoortoq, isumaqarlunilu uliguaq (sjal), tagiartuinermilu ikiuutitut atorneqassalluni.

Rebozo aamma ernisunnermi atorneqarsinnaavoq, ilaatigut vestimulation, meeqqap niaqua kuutsimut ajattarneqarnerani aamma qasukkarniarnermi.

Erninissamut aallartitsiniaanermi suliarinninnerup siunertaraa timip nammineerluni ernisulernissaanut ikiuineq.
Erninissamut aallartitsiniaaneq akupunkturiusinnaavoq, rebozosinnaavoq, tagiartuinerusinnaavoq, naartup puuanik kaanngartitsinerusinnaavoq (hindeløsning) imaluunniit taakku akuleriissillugit.

Timi 'piareeqqappat' erninissamut aallartitsiniaaneq ernisulernermik aallartitsisinnaasarpoq, timilli erninissamut piareeqqanngippat suliarinninneq endorfininik eqqissisaataasunik kaanngartitsissaaq taamaalillunilu timinnik piareersaaqataasinnaalluni. 

Erninissamut aallartitsiniaaneq naartunerpit sapaatip akunnerisa 37+0-issaanit erninissappit tungaanut atorneqarsinnaavoq. Siunnersuutigaara sapaatip akunneranut ataasiarlutit erninissamut aallartitsiniaaneq atortassagit.

Ernereernermi oqaloqatigiinneq:

Oqaloqatigiinneq illit misigisannik tunngaveqassaaq.
Erninerpit ingerlaarnera oqaloqatigiissutigissavarput.

Journalippit assinga nassarsinnaavat.

Ernereernermi naliliineq:

Piffissap ingerlanerani timip naartuneq ineriartortittarpaa, taamatuttaaq pisarpoq timip naliginnaasunngoqqinniarnera. Ernereernerpit kingorna oqaloqatigiinnissamik neqerooruteqarpunga, qupisoorsimaninnik misissuisinnaavunga, ajornanngippallu naappit nukiisa avinneri misissorsinnaavakka.

Barselerninni pulaarneq:

Erninerit qaangiuppoq, issiavutit, immaqa angerlarsimaffinnit aninngikkaluarlutit ilinniarsimasumik oqaloqateqarusupputit. Tusarnaarnissamut oqaloqatigiinnissamullu piareersimavunga. Oqaloqatigiinneq illit piumasannik ingerlanneqassaaq, illillu aaliangikkannik oqaloqatigiissuteqassalluta.

30 min. tagiartuineq.